Knut Ødegård, som debuterte med diktsamlinga Drøymaren, vandraren og kjelda i 1967, og sidan har gitt ut ei lang rekkje bøker og gjendiktingar, har blitt utnemnt til æresmedlem av Fransk PEN for forfattarskapen sin og engasjementet sitt for ytringsfridom.
Fransk PEN, ved ærespresident Sylvestre Clancier og president Carole Mesrobian, skriv mellom anna at:
«Den litterære karrieren din, forma av eit poetisk verk utvikla over fleire tiår, har resonnert langt utanfor Noregs grenser. Den internasjonale rekkjevidda av forfattarskapen din, omsett til mange språk, vitnar om ei stemme som er djupt merksam på forholdet mellom litteratur, minne og ansvaret til forfattaren. Den langvarige forpliktinga di til dialog mellom kulturar og ytringsfridom speglar fullt ut PENs grunnleggjande verdiar.»