Då vekas diktar blei sjuk med influensa,
og ikkje kunne ta sin etappe av DnFs diktstafett,
då var vegen heldigvis kort til Helge Torvund;
berre minutt etter at han fekk oppmodinga om å gi eit dikt
– nytt eller gamalt;
berre det er eitt han har lyst til å dele,
då kom svaret
Dikt skal du få
og nytt skal det bli
Gje meg bare ein times tid, så!
Ein time seinare sende Helge Torvund Svevande kokong.
At han snar til å finne språket, det viser Torvund kvar dag –
i twitterformatets 140 teikn, der får han sagt mykje,
og han får sagt usagt. Han er utdanna psykolog, Torvund,
men har jobba som forfattar sia debuten i 1977,
har han gitt ut nesten førti bøker. Den siste diktsamlinga er
Alabama? (Aschehoug 2011), og den siste barneboka Vivaldi
– på kunstbokforlaget Magikon (2011).