Samlaget sel utdanningsavdelinga

Det Norske Samlaget sel utdanningsavdeling (Samlaget Utdanning) til Fagbokforlaget. Etter salet vil Samlaget bestå av felta barn og ungdom, skjønnlitteratur for vaksne, sakprosa, høgare utdanning, ordbok og tidskriftet Syn og Segn. – Vi ønskjer å vere best muleg rusta for å takle endringane i bokbransjen. Samlaget har spelt ei viktig rolle for norsk litteratur i snart 150 år. Vi skal no bli tydelegare på felta barn og ungdom, skjønnlitteratur for vaksne og sakprosa, for å sikre at Samlaget er like viktig framover, seier adm. dir. Edmund Austigard.